2012年4月23日星期一
相信好少人去先旅行 500幾日後先至寫 Blog，因為相隔時間長如有錯漏請各位同行遊雲提點！
日期：2007年7日26-31日。
出發地：香港--澳門；目的地：沙巴。
同道人：豹叔、豹嬸，聰聰、Eric、Pammy、朗賢、朗晴、Kathy、芳芳、豬豬俠、雲雲、Jessie、Janice & Jackson。
去沙巴的原因有幾個，第一係好多人都話該處水清及風景好，加上有廉價機票，一般由 '香港' 直飛 '沙巴' 的 'Kuta Kinabaku' 機票就約 HK$2800-3000.-，而家經 '澳門' 飛，連稅及燃油附加費等，約 HK$1250.-，再加上 '香港'--'澳門' 的船票約 HK$250.-，一共約 HK$1500.-；多出來的錢夠在 '澳門' 玩多日有餘。
2007日26日/星期四，12:30PM 於 '尖沙咀' '中港碼頭' 坐船去 '澳門'，一行 14人，共7大7小，船票大小同價來回約 HK$250.-；天氣相當熱，照呢位小朋友己經知道啦，連條 '脷' 都伸出黎就知道！
一行人過過行去 '回力' 的行人天橋，轉左行5分鐘就到 '金龍'。
大約 14:00PM 出碼頭去 '金龍酒店' 飲茶，埋單 HK$580.-。
15:00PM 分 4部的士去 '澳門國際機場'，每車約 MOP55.-，機場好似比 '香港啟德機場' 細，而家D機場唔比帶超過 100ml，的液體、包括水入機場內 ，所以入閘前要飲晒或倒晒，不過 '澳門機場' 入面有飲水機(近洗水間)，就算帶個空樽入去都可以加水，因為廉價航空連飲水都要自費；第一次搭 'Airasia'，Check-In 無劃位，上機前各自排隊。
到上機時見有 D人上機先，以為係頭等？後來先至知每人加 D錢就可以優先上機(Express Boarding)！上機前影張返相，前途唔洗去睇相。
飛機準時，但飛到 '沙巴' 時己經 20:00PM，返到 'Hyatt Regency Hotel' 已經 21:00PM，放低行李就去xxx，食宵夜，不過 xxx 交通就唔係幾好，好難搭車返市區，等了差不多15分鐘才有的士，每部車約=RM25.-！
所住的酒店 'Hyatt Regency' 每晚約 HK$500.-/Room 包早餐，14人訂了4間房，每天食早餐的錢都低，小朋友一般沒有收錢。
2007日27日/星期五，今日會行出海玩。睇地圖我地住的 'Hyatt Regency' 同 xxx碼頭相距好近，以為行路好快到，原來要行成 30-40 分鐘先至到，仲有時要走路邊，真係Sorry 啦各位！
出了酒店轉右行向海邊方向的馬路有一個小型碼頭，有船家問要否出島玩，因為又大又細成班人，所以無坐呢種船。
到碼頭比完船費再要比碼頭費，之後等了約 20 分鐘就上船出發。
碼頭 D 水都好清，雖然有14人，但都要等多幾個人先至開船。
相機右上角的黑影是因為部相用了新買的防水膠套，鏡頭對唔準。
出島船程' 約30-40分鐘，去到要先比入島費，之後去個沙灘有人介紹，最後就 Sale 海底漫步=RM250.-、潛水=RM250.-同水上電單等，因為覺得價錢貴都無玩；停留了約2小時去 'Palau Sapi沙比島，船程' 約15分鐘，去到都好多人，約了船在三點鍾回程後就在海邊餵魚。
終於到了回程的時候
回到碼頭己經16:30PM，不過碼頭側的小食檯盈然沒有人客。回程時不知道在那裏坐車，所有行返酒店；在差不多到酒店時，找到一間旅行社，於是訂了明天去玩 '激流'(RM195/大人，RM165/小童)和後天去看 '瑩火蟲'(RM165/大人，RM130/小童) 的 Local Tour；晚飯食 '味稚海南雞飯'。
在坐車中途途經油站，有D特式雪條，麼麼喳喳味、紅豆味、榴槤味等，每枝=RM1.50，好好食！
經過2小時車程，到了 '小火車站'。
'小火車站' 入口，左右及前面是停車場。
'小火車' 的車續。
火車月台、路軌都影張相先。
等了約30分鐘，'小火車'終於到。
上車第一時間 '揾' 個位，小朋友己急不及待 '打機'。
火車途中。
去到先 '着' 救生衣再分船；仲有水果(西瓜及香蕉)食，食玩水果出發，跟住火車軌行約10分就到落船點。
每架橡皮艇坐10人，最頭一住係 '激流導遊'，佢會話比大家知邊渡用力，邊渡放鬆。呢位中童坐第二排。
呢位大姊坐第三排左邊。
第三排有位小明友。
去到三份一，大家先休息一陣。
向第二段出發。
第二段最 '激'。
相機的防水膠套都有水積。
全船人影返張，相中的外國人來自 '澳洲'。
落水影張相，水底的泥軟綿綿，好似海綿。
全程約80分鐘的 '激流' 玩完，返去起點食午餐。
午餐食炒飯、炒麵等，有汽水飲。
晚上去了 '海皇城' 晚飯，因為太多人，所以虎蝦賣完，食完飯在酒店對面的夜市行下。
宵夜在海邊的餐廳，反而在此食倒虎蝦，呢餐約 RM200.-
'Sunday Market' 是在 'Sabah' 市內最大的街道向海的反方向行入一條街，大約長500m，左右兩邊都有檔口，種類很多，包括食品、日用品、手工藝、連植物都有。
呢位小朋友起勢叫人幫佢影相。
連 '' 都有。
唔知呢D珊瑚真定假？
行行下到了 'Central Market'。
行入去睇睇，有大排檔，樓下係 'Phillipine Market'。見時間差唔多，就食午飯返酒店等出發去 '紅樹林' 睇 '長鼻猿' 同 '螢火蟲'。
出發後要先坐約 1個半鐘車，去到碼頭附近，最行約10分鐘去到食晚飯的餐廳，先放下行李，再坐船去 '紅樹林' 睇 '長鼻猿'。
到出發時已經差不多4點幾。
離咁遠，只係見到有D猴子在樹上，至於佢個鼻是否長，就不知道。
約6點開始回程。
有D黃昏河境。
唔知呢位小朋友贏了什這？
回到餐廳(其實是一個大浮台)。
呢餐相當難食！
不過小朋友很開心，食完飯再坐約15分鐘船(同睇 '長鼻猿' 的方向相反)睇 '螢火蟲'，就見到在河邊有一些樹，樹上有一點點光，那些光就當然係 '螢火蟲'。
返到市區竟然有人說放煙花！
最後大人去了酒店對面的 Bar飲杯。
2007年7月30日，Day5，今日是這次行程在 '沙巴' 的最後一日，因為是中午機，所以有時間去海邊行下，影張相。
呢張相是在 'Sabah' 的 'DeliFrance' 食早餐時影的。
最後一的天，天才放晴。
海邊的酒 Bar 區都變好，可惜今天要走了！
小朋友過了一個懶洋洋的早上。
酒吧區早上沒有人。影相最好。
一家大細影返張。
諗返轉頭，'螢火虫' 的行程可以不去，留一些時間在 'Sabah' 行街仲好。
終於走啦，仲掛住講？
上到機有些同行認為 'Sabah' 只是一般；我就非常喜歡這兒的天氣，有機會一定再來！
呢間叫 '麗絲酒店'，新開的，每晚好似HK$8xx.-。
先在門口影幾張。
再入裹面睇睇，可能新的酒店，裹面好新淨，但無泳池。
小朋友未入得賭場，在門口玩下老虎機先啦！
影到日落，去 '仔' 食私房菜。
老闆娘好利害，食到夠鐘就要走，訂了未夠鐘就要等，仲有遲無早。
食完飯周圍行，去到 '市政局前地'。
2007年7月31日，Day6，今次訂的是下午船返 '香港'，打算去 '觀光塔'。
上塔前行下 '華納'。
'觀光塔'分兩層，好似先去30樓，再上46樓(不太記得)。
呢渡望落去都幾驚！
下一站='市政局前地'。
呢渡好似係 '十月初五街'，樓上紅色窗好似話以前係妓院。
行下買下手信又夠鐘，今次行程又完成。
各位同行人仕，寫呢編 Blog，因為時間相格太長，如有錯漏或意見，請致電我；最後請大家放心，呢編 Blog是非公開的，只有朋友及家人才可睇倒。
